Չիչխանը գեղարարության մեջ. 168.am

Վիտամինային դիմակներ. խառնել 1-ական թ/գ գազարի և չիչխանի հյութեր և սերուցք։ Քսել մաշկին։ Լվանալ 5-10 րոպեից։ Փափկեցնող. 1 ձվի դեղնուցը հարել 1-ական թ/գ մեղրի և չիչխանի յուղի հետ։ Պահել10 րոպե, լվանալ գոլ ջրով։ Հակաբորբոքային` ճարպոտ մաշկի համար. խառնել 2-ական թ/գ չիչխանի պտուղ, երիցուկի ծաղիկ, սև հաղաջի տերև։ Չոր ծաղիկը և տերևը մանրացնել։ Հումքը լցնել 1 լ եռացրած ջրի մեջ, 15-20 րոպե եփել ջրային բաղնիքի վրա, քամել։ Լվանալ դեմքը գոլ եփուկով։

Կճիռների դեմ. 1 ճ/գ չիչխանի պտղից ստացված ոգեթուրմը լուծել 200 մլ ջրում։

• Բամբակե խծուծը թրջել լուծույթի մեջ և դնել դեմքին։ Պահել 10 րոպե, չորացնել չոր բամբակե խծուծով։ Դեմքի ծակոտիների լայնացումը կանխարգելող. տրորել չիչխանի պտուղը, 100 գ հումքին ավելացնել 1 թ/գ կիտրոնի հյութ։ Քսել դեմքին և պարանոցին, պահել 5-10 րոպե, լվանալ։ 1 ձվի սպիտակուցը հարել 2 թ/գ գազարի քերուկի և 1 թ/գ չիչխանի ոգեթուրմի հետ։ Ավելացնել ալյուր, մինչև ստացվի համասեռ զանգված։ Պահել 10 րոպե, լվանալ գոլ ջրով։ 

Ճարպոտ մաշկ. չիչխանի 50 գ պտուղը 10 րոպե եփել թույլ կրակի վրա` 200 մլ չոր գինու մեջ։ Քնելուց առաջ մաքրել դեմքը սառը եփուկով։ Պահել հով, մութ տեղում։

Սնուցող. չիչխանի 3-5 կաթիլ յուղը լուծել 1 թ/գ մեղրի մեջ։ Պահել 5 րոպե։ Լվանալ սկզբից` տաք, այնուհետև` սառը, նախապես եռացրած ջրով։ 

• Տրորել խաշած կարտոֆիլը (առանց կլեպի), 100 գ հումքին ավելացնել 5 կաթիլ չիչխանի յուղ և հարել 1 ձվի դեղնուցի հետ։ Պահել 15-20 րոպե, լվացեք գոլ ջրով։
  
  
• 1 ճ/գ մեղրը, 1 ճ/գ վարսակի փաթիլները և 1 թ/գ չիչխանի յուղը խառնել 2 ճ/գ եփած կաթի հետ։ Պահել 10 րոպե, լվանալ գոլ ջրով։ 1 գ մումիոն դնել փոքր բաժակի մեջ, կաթիլ առ կաթիլ ավելացրնել եռացրած բարակ շերտով, պահել 5-10 րոպե։ 2-3 կաթիլ քացախը լուծել 50 մլ եռացրած ջրի մեջ, ստացված լուծույթով մաքրել դեմքը։ Կատարել քնելուց առաջ։ 

Ցանկացած տեսակի մաշկի համար. խառնել մասուրի, ալոճի, չիչխանի եփած պտուղները, խնձորի քերուկ (բոլորը հավասար)։ 50 գ հումքը հարել 1 ձվի դեղնուցի հետ։ Պահել 10-15 րոպե։ Մաքրել բամբակե խծուծով, լվանալ գոլ ջրով։

Սպիտակուցների պակասը լրացնող. տրորել չիչխանի թարմ պտուղը, հարել 1 ձվի դեղնուցի հետ։ Փրփուրը քսել մաքուր դեմքին և պարանոցին։ Պահեք 5-10 րոպե։

Սառը կոմպրես. չիչխանի եփուկը լցնել սառնախցիկի կաղապարիկի մեջ։ Սառեցրած խորանարդիկով 1 րոպե (ոչ ավելի) մշակել ճարպոտ մաշկը` դիմակները հեռացնելուց հետո։

Կոմպրես պարանոցի համար. բամբակի բարակ շերտերը թրջել չիչխանի գոլացրած յուղի մեջ, դնել պարանոցի վրա, ծածկել պոլիէթիլենային թաղանթով և կապել տաք լաթով։ Պահել 10-15 րոպե։

Ձեռքերի խնամք

• Չիչխանի յուղն օգտագործել կոմպրես և լոգանք կատարելու համար։ Ներմերսել մաշկին քնելուց առաջ` գոլ վիճակում։ Ճաքերի դեպքում դնել թրջոցներ։
  
  
• Մաշկի առաձգականությունը պահպանելու համար քնելուց առաջ քսել չիչխանի յուղ և հագնել բամբակե ձեռնոցներ։
  

Հարցեր, պատասխաններ, մեկնաբանություններ